लमजुङमा धन्सारमाथि पहिरो खस्दा दुई जनाको मृत्यु भएको छ । अरू दुई जना घाइते भएका छन् ।

मध्यनेपाल नगरपालिका–७ भाटबेशीमा कुलो भत्किएर विष्णु दत्त सुवेदीको २ तले धन्सार भत्किँदा बाबुछोरीको मृत्यु भएकोे प्रहरीले जनाएको छ ।

प्रहरीका अनुसार धन्सार भत्किँदा त्यहाँ बस्दै आएका मस्र्याङ्दी गाउँपालिका १ घनपोखराका टिकबहादुर विक र उहाँकी कान्छी छोरी विनिताको मृत्यु भएको हो ।

धन्सार भत्किँदा घाइते भएका आमा सुककुमारी विक र अर्की छोरी अस्मिता विकको पोखराको पश्चिमाञ्चल अस्पतालमा उपचार भइरहेको प्रहरीले जनाएको छ ।